聚友小廚

营业中

休息中

很久没出街晚餐，今晚到石门吃饭，这间聚友小厨新张不久，一于去试试。晚饭小菜款式都几多，仲有海鲜食添，我哋叫咗其中一款招牌菜「香煎蚝饼」（ $88），真系煎得好香脆，而且蚝饼都几厚肉，值得一试。食紧嘅时候偷听到隔离枱叫盐焗奄仔蟹， $128一只，店员仲揾个筒装住只蟹俾佢睇，我又去八下，真系生猛猛郁嘅，煮完出嚟仲见到劲多高，可惜我哋叫晒𩠌，如果唔系都想试吓！不过我哋嘅「冰镇咕噜肉」（ $98 ）都唔输蚀，分量多就不在话下，冰镇手法令到咕噜肉脆口得来又啖啖肉，食到大家舔舔脷。只碟仲有玄机，就系中间有个小洞，让融化的冰水流落下层，不影响肉质，相当细心的设计呢！仲有一个「聚有小炒王」（ $108 ），韭菜花炒埋银鱼仔、虾干、鱿鱼等材料，新鲜惹味，加埋辣椒叼下少少辣味，更上一层楼。