影片
更多
2023-11-02
979 浏览
系附近买完海味，又到揾地方开餐时间，友人提议近近地上去呢度叫小菜食饭。虽则店名有辣蟹，但唔食蟹食小菜亦系一个好地方。晚上天气凉凉地，想要个汤羹暖吓个肚仔，家常大路之选，西湖牛肉羹 ($88)。呢个系例锅，大约有4碗份量。加少少胡椒粉调味，唔会过咸，当作汤羹岩岩好，食到牛肉碎又有蛋白嘅滑度加芫茜嘅香度，饮完一碗几暖肚。好耐无食过嘅豉椒炒蚬 ($98)，今餐有得食。目测隔离几枱都有呢碟出现，应该无叫错。豉椒味好惹味，偶然食到甜椒粒; 九成以上嘅都有肉，肉质鲜甜嫩滑，最紧要系一粒沙都无食到，可以放心食呢间选用嘅走地鸡，肉质比较有保证，既然系咁，就整碟葱油走地鸡($138/半只)。成个碟面被葱粒及姜蓉所遮住，劲呀。系葱粒下成功”救出”件鸡，肉质好滑，夹埋D姜葱粒一齐食，够晒味道，唔食皮嘅可轻易撕走。用黎送白饭轻易干掉一碗。清新鲜味嘅有上汤什菜煲 ($88)，材料除咗有几款蔬菜如菜心，西兰花及白菜仔，亦有虾米，鱿鱼及粉丝。算系今餐嘅”清泉”。今餐有鸡有蚬有菜仲有汤，满足同饱肚程度系十粒星。
晚上天气凉凉地，想要个汤羹暖吓个肚仔，家常大路之选，西湖牛肉羹 ($88)。呢个系例锅，大约有4碗份量。
加少少胡椒粉调味，唔会过咸，当作汤羹岩岩好，食到牛肉碎又有蛋白嘅滑度加芫茜嘅香度，饮完一碗几暖肚。
好耐无食过嘅豉椒炒蚬 ($98)，今餐有得食。目测隔离几枱都有呢碟出现，应该无叫错。
豉椒味好惹味，偶然食到甜椒粒; 九成以上嘅都有肉，肉质鲜甜嫩滑，最紧要系一粒沙都无食到，可以放心食
呢间选用嘅走地鸡，肉质比较有保证，既然系咁，就整碟葱油走地鸡($138/半只)。成个碟面被葱粒及姜蓉所遮住，劲呀。
系葱粒下成功”救出”件鸡，肉质好滑，夹埋D姜葱粒一齐食，够晒味道，唔食皮嘅可轻易撕走。用黎送白饭轻易干掉一碗。
清新鲜味嘅有上汤什菜煲 ($88)，材料除咗有几款蔬菜如菜心，西兰花及白菜仔，亦有虾米，鱿鱼及粉丝。算系今餐嘅”清泉”。
今餐有鸡有蚬有菜仲有汤，满足同饱肚程度系十粒星。
张贴
