龍順軒海鮮酒家

营业中

休息中

今日唔想去太远食饭，谂住近近地，就简左呢间食晚饭啦！点知就出事了！阿妈钟意食乳鸽，所以叫左一只，味道一般水准啦！不过不失。芝士味好淡，太少汁，搅到伊面醮唔到芝士汁，太干身，好难食，带子细粒到不存在也不觉得可惜，虾球比想像之中大粒，弹牙，就系芝士汁太杰身，呢方面差了少少。有带子$68，冇带子$48，如果我一早知道带子系细粒又薄痴痴既话，我就叫冇带子，悭返$20啦！我不嬲都好钟意食呢道菜式，贪佢够松化，佢整得唔错，假如$48就可以食到，系值得食既，大家可以试试。呢碟小菜最失败，鱼肚松泡泡，好似食紧发涨既猪皮，冇味道，鹅掌烂晒，4只冇一只系完整，而且质感难食，冬菇厚身可取，底下有些蔬菜，但淡而无味，同样一味𩠌，誉宴好食到晕底，呢间就觉得好后悔叫左呢个𩠌。