影片
更多
2022-05-15
1923 浏览
一到父母亲节 最常去嘅餐厅都系呢啲中式酒楼🤣 见到呢间酒楼冇加一又唔收茶钱 而且小菜价钱实惠 所以就一行四个人嚟咗呢度食晚餐其实呢间酒楼侧边有间茶餐厅 都系同一个老细经营 之前系食过茶餐厅嘅炒粉面 炒粉面就喺酒楼度整出嚟 所以都非常有镬气👍🏻 今次就直头嚟呢间茶楼度试吓佢七味一口脆豆腐呢个作为一碟餐前小食份量好多 整得外脆内软 不过有几粒略嫌炸粉厚咗少少🤏脆皮烧腩仔呢碟例牌嚟嘅 但系都有三大排烧腩仔🐷 虽然佢唔系特别瘦 但系食呢啲烧味就系要咁邪恶㗎啦 烧腩仔个皮真系好脆🙊招牌小炒皇系韭菜嚟嘅 入面有腰果 菜宝 虾干 仲有鱿鱼须喺入面㗎 真系炒得好有镬气 而且都算几大碟㗎😗黑椒德国咸猪手煲猪手好大只 而且店员好主动咁帮我哋起骨 令我哋食起上嚟都好方便 咸猪手系煲到好腍𠮶种 但系我净系讲紧个皮咋 因为啲肉唔系好腍 仲食到猪肉嘅口感 比起坊间一啲猪手煲出色好多😌清蒸游水沙巴龙趸应该系其中一款特价小菜嚟嘅 二至七位可以嗌一款 我哋就嗌咗呢个$98嘅蒸鱼 我觉得条鱼size还好 不过略嫌佢蒸得有少少过熟 鱼背位置啲肉有啲老🐟鱼翅花胶海中宝呢个炖汤冇影到相🥲 个阿姐太早帮我哋分晒啲汤 入面都好足料
其实呢间酒楼侧边有间茶餐厅 都系同一个老细经营 之前系食过茶餐厅嘅炒粉面 炒粉面就喺酒楼度整出嚟 所以都非常有镬气👍🏻 今次就直头嚟呢间茶楼度试吓佢
七味一口脆豆腐
呢个作为一碟餐前小食份量好多 整得外脆内软 不过有几粒略嫌炸粉厚咗少少🤏
脆皮烧腩仔
呢碟例牌嚟嘅 但系都有三大排烧腩仔🐷 虽然佢唔系特别瘦 但系食呢啲烧味就系要咁邪恶㗎啦 烧腩仔个皮真系好脆🙊
招牌小炒皇
系韭菜嚟嘅 入面有腰果 菜宝 虾干 仲有鱿鱼须喺入面㗎 真系炒得好有镬气 而且都算几大碟㗎😗
黑椒德国咸猪手煲
猪手好大只 而且店员好主动咁帮我哋起骨 令我哋食起上嚟都好方便 咸猪手系煲到好腍𠮶种 但系我净系讲紧个皮咋 因为啲肉唔系好腍 仲食到猪肉嘅口感 比起坊间一啲猪手煲出色好多😌
清蒸游水沙巴龙趸
应该系其中一款特价小菜嚟嘅 二至七位可以嗌一款 我哋就嗌咗呢个$98嘅蒸鱼 我觉得条鱼size还好 不过略嫌佢蒸得有少少过熟 鱼背位置啲肉有啲老🐟
鱼翅花胶海中宝
呢个炖汤冇影到相🥲 个阿姐太早帮我哋分晒啲汤 入面都好足料 好多猪骨 好多鸡肉👍🏻 仲有花胶同埋鱼翅 当然花胶同鱼翅嘅质素唔会系好高质𠮶种 但系成个炖汤冇乜油 感觉好养生☺️ $128来讲好抵饮 我哋四位每人都有两碗汤
呢间酒楼食物质素都几好 而且价钱真系好亲民 我觉得绝对会有下次👍🏻
张贴
