水鴨朱椰子雞 (已結業)

今晚约左朋友食饭聚旧，佢介绍我们黎呢间水鸭朱椰子鸡，开头听个名以为系「水鸭猪」，我仲话个名咁搞笑，虽然最后都唔知水鸭朱系咩意思...呢间野好就好在可以一边打边炉一边食小菜，鸡煲款式好多，但系似乎椰子鸡煲最出名，所以我哋第一时间就叫左半只（$178），先端上一锅椰子水，都有椰肉在里面，喝一口相当清甜。跟住我们就自己落鸡，写明正宗海南岛文昌走地鸡，果然肉质实净，而且鸡味浓郁，好味！我们叫左个特价海鲜拼盘（$328），可以元贝、圣子、鲍鱼，三选二，另外仲有游水海虾、手打三宝丸、安格斯牛肩肉、脆肉鲩鱼、鲜冬菇和粟米。D海鲜好鲜甜，海虾真系好新鲜。肉蟹脆肉鲩又够爽脆弹牙。三宝丸分别是有牛丸、虾丸和鲮鱼丸，虾丸非常弹牙，牛丸就好有牛味，靓鱼丸都唔错。安格斯牛肩肉都好食，肉质鲜嫩有咬口！不过份量就唔系好够，所以我哋另外叫多一客牛颈脊(大)$268，颜色鲜嫩，脂肪分布均匀，好靓，食落都好好味，肉质鲜嫩爽滑，充满牛味。我哋仲叫咗一只肉蟹（$138），都几大只而且劲新鲜。肉蟹不多膏，但蟹肉好鲜甜爽口，好味。我哋仲叫咗两个小菜，脆皮咸猪手（$138），块皮炸到脆卜卜，但同时里面仍然可以锁住肉汁，保持Juic