唐宮小聚 (新城市廣場三期)

营业中

休息中

明明好多人手，但个个做野都好慢，好hea，俾点心纸落单好耐，所有人都黑口黑面，食晒又唔会收碟，埋单埋好耐。*黑金流沙 $49流沙包热辣辣，松软，流心奶黄馅非常流心，但咸蛋味唔够香浓，偏向重奶香味。葱油拌面 $49非常失望，葱油葱香味系零，冇错！系零，面头嘅葱系㶶晒，只有苦味，有几粒大虾米，但做唔到提鲜嘅作用，唯一优点系面条烟韧唔张口。小聚拼盘 (三款) $79黑松露鸡 黑松露味香又浓，炸芋头丝好油，鸡丝只有几条，份量实在太少酱汁鸭舌 酱汁香浓入味，带少少麻辣，鸭舌偏细只，mui下mui下酱汁萝卜 酱汁咸咸地，萝卜吸晒啲汁，但依然爽脆，非常好味整体来讲，每碟份量都太少，除翻开每款$26左右，唔抵食。沙田乳鸽 一只$39最抵食系乳鸽，完只炸乳鸽，外皮脆香，皮下脂肪薄薄一层，乳鸽肉juicy嫩滑，而且入味，肉味浓郁。酒酿丸子丸子烟韧偏腍，酒酿嘅酒味浓烈，带甜酒味，份量多，可以两人分享一碗。