乾隆古法秘製雞煲 (已結業)

今日搭車搭到吽左，落車好肚餓，突然好想食小菜，又唔知掟，唯有是但搵間試試。冇錯，我又係俾個店名吸引左，好明顯人地主打雞煲。菠蘿生炒骨，一般酒樓水準，青椒紅椒唔夠新鮮，生炒骨同菠蘿係可以既。金銀蛋菜心苗，好大碟，菜心苗夠鮮甜，皮蛋都好靚，呢碟抵食。水煮田雞，個水煮汁唔錯，又夠麻辣，仲配埋薯粉，不過芽菜太少，最可惜係田雞唔靚，浪費左個水煮汁。雖然小菜唔太出色，但店員都好好，又同小朋友玩，又好注意小朋友安全，怕冷氣吹到一有位又主動幫我地轉枱。我見十枱有八枱都係食雞煲，好似好出名咁，下次一定要試下先。