靠得住粥麵小館 (奧海城二期)

营业中

休息中

每次经过靠得住都见到要门口排队等位，今次都唔例外，好彩等左一阵就已经有点得入。中午lunch set餐牌有得拣食小菜或者粥/面，选择都几多，不过价钱就唔算平。尤其如果食粥都比较贵，可能因为米芝莲啦。经朋友大力推荐，我今次拣左食香酥排骨菜饭，上次朋友食过都赞不绝口。另外见到附近台都颇多人食水晶鸡，卖相都好吸引。套餐包左野饮，仲有得拣柚子蜜/柑桔蜜。不过落左order之后，佢啲野食黎得比较慢，我地3个人黎食，等左廿几分钟都完全无野食上台，最后都系要催佢。排骨黎到卖相睇落唔错，本身有啲惊炸排骨配饭会太斋，点知食落又唔会。排骨炸得都几脆，热辣辣而且啖啖肉，啲肉又唔会太干身好dry。而且我估唔到佢啲菜饭都几好食，几香口，斋食饭都无问题。餐厅会收$3茶芥，比嘅系苹果茶都几特别，另外仲要再收加一，所以埋单都要近$70蚊唔平，不过啲野食质素唔错，间唔中食下都ok。