架勢廚房 (馬寶學林33) (已結業)

咁啱系网上面见到架势厨房系一间share kitchen ，所以就决定试一下，我叫嘅餐系辣鸡扒炸虾卤肉。..首先依间餐厅嘅餐具都系用木制，十分环保。一打开个盒其实就已经闻到个炸虾系十分香，份量亦都正常够一个人食，虾肉好实净但d炸虾食落去就冇乜味。 辣鸡扒方面餐厅帮我切成6-7块。虽然叫辣鸡扒，但意外地一d辣味都冇，不过个鸡扒整体黎讲整得唔错，唔会话好鞋口或者有雪藏味。卤肉黎讲我依个餐嘅都算肥瘦均匀，唔会有太多肥肉嘅卤肉或太瘦好柴嘅卤肉，卤肉亦都比较入味。..整体黎讲10分满分会比5.5分，因为最主要嘅辣鸡扒冇辣味，同埋个虾系冇味。