初味 (已搬遷) 新店位置

星期六family day，去玩之前医饱个肚先。去咗天后嘅初味，呢度系食西餐。餐厅气氛唔错，有水晶灯同挂画，几有feel。同老公一人叫一个set lunch。我叫咗烤西班牙黑毛猪柳配烧虎虾，老公就拣咗烤美国牛柳配明太子带子。每个套餐都包咗一杯紫椰菜汤，同一份沙律及饮品。我嘅黑毛猪柳非常juicy，少少肥劲多肉汁，而且我觉得好香。猪扒下面系烤蔬菜，有豆角，茄子，薯角等。试咗老公嘅牛柳，牛味香浓。 明太子带子超好食，面头嘅明太子惹味，带子烤得外脆内嫩，唔会overcooked。又发掘多一间小街内的高质西餐厅，下次再帮衬！