一口曲奇 (已結業)

蓦名而来。一盒有齐六款，花生牛油曲奇、特浓朱古力曲奇、牛油曲奇、杏仁曲奇、碎朱古力曲奇同埋柠檬曲奇。曲奇够松化，个别几款好似杏仁同花生牛油特别脆。味方面，花生牛油花生味强劲，似花生酥多过似曲奇；杏仁味淡淡地效果出奇地更好；特浓朱古力浓郁，不过未算特浓；碎朱古力同牛油就不过不失；柠檬唔系我杯茶，无食。曲奇无防腐，食用时间唔长，好似得两三个礼拜，要快食。服务不错，主动俾曲奇试食，仲要系成块试，仲可以试完再试，好野。$148一盒，有齐六款。