影片
更多
2023-05-27
156 浏览
今日朝早落楼下食早餐，只系带咗手机同八达通，先去最近嘅美心，先起外面玻璃望入去，见到啲台唔系有人坐呢就系啲人食完啲餐具未执拾，睇见都有啲唔开胃，推门入去望下个餐牌，话是日粥品，但又无讲话乜嘢粥，万一系我唔钟意嘅皮蛋瘦肉粥就大柠乐啦！于是过马路，过对面，去好耐都无帮衬过嘅鱼米。一打开门，食客比美心少一半以上，更重要系啲台呀，全部都干干净净，无一张系有食客食完嘅餐具，地方任坐，而且坐得比美心舒服好多，食物即使唔好食，单系环境已经值得加分啦！打开个餐牌，首先打动我嘅系餐牌第一页右下方嘅芝士滑蛋汉堡扒牛角包，$35连热饮，抵食啦！再望下，餐牌上方嘅餐，比较下原先选定嘅餐，虽然无咗芝士同滑蛋，但有流心煎蛋，仲有肠仔、火腿同餐肉，都只系贵$3啫，咁梗系叫呢个啦！嘢食好快嚟到，牛角包系我至爱之一，我之前都讲过话牛角包要好食，就必需符合两个条件，而且缺一不可：一要脆口，二要有牛油香味，但佢呢个牛角包就两者都欠奉，失望😨😰😫肠仔，正正常常嘅鸡肉肠，唔会过咸，但无惊喜，可接受。餐肉，正正常常嘅火腿唔餐肉，同样都系唔咸，亦无惊喜，可接受，睇得出有煎过，但若果煎得香啲嘅话，效果会更好。煎蛋，绝对无呃人，真系流
一打开门，食客比美心少一半以上，更重要系啲台呀，全部都干干净净，无一张系有食客食完嘅餐具，地方任坐，而且坐得比美心舒服好多，食物即使唔好食，单系环境已经值得加分啦！
打开个餐牌，首先打动我嘅系餐牌第一页右下方嘅芝士滑蛋汉堡扒牛角包，$35连热饮，抵食啦！再望下，餐牌上方嘅餐，比较下原先选定嘅餐，虽然无咗芝士同滑蛋，但有流心煎蛋，仲有肠仔、火腿同餐肉，都只系贵$3啫，咁梗系叫呢个啦！
嘢食好快嚟到，牛角包系我至爱之一，我之前都讲过话牛角包要好食，就必需符合两个条件，而且缺一不可：一要脆口，二要有牛油香味，但佢呢个牛角包就两者都欠奉，失望😨😰😫
肠仔，正正常常嘅鸡肉肠，唔会过咸，但无惊喜，可接受。
餐肉，正正常常嘅火腿唔餐肉，同样都系唔咸，亦无惊喜，可接受，睇得出有煎过，但若果煎得香啲嘅话，效果会更好。
煎蛋，绝对无呃人，真系流心蛋，但明显系预先煎好，啲边唔脆，个蛋唔热，如果系即煎嘅话，味道会正好多。
汉堡扒，无比较就无伤害，佢呢个似系冻肉舖买到𠮶只，但同老麦嘅猪柳拍埋一齐嘅话，高下立见，老麦嘅好食得太多太多啦！
火腿，食落居然有啲酸味😱😵😕，完全系香港前教育局局长嘅花名，佢系呢个餐入面最差嘅食物🤢🤢🤢。
最后，到杯奶茶，无茶味，唔得香，即使用咗啡糖都无用，咁嘅食物质素，加上唔似得美心有免费Wifi，难怪会比对面美心少一半人以上，即系小猫三四只，呢间舖唯一优胜地方系干净，因为当我食完无耐，店员立即嚟收拾餐具，抵赞👍👍👍。
顺带一提，呢间舖头，乜鬼调味料都唔见有起张台或柜桶内，连茶记最常有嘅盐、胡椒粉、辣椒油等通通都欠奉，唔讲下下要开声问职员攞？还是佢哋对自己出品太有信心，知道啲客唔需要加任何调味料都食得称心如意？又抑或觉得一间店舖，只有两个楼面，会令佢哋太得闲，所以要佢哋做日本首相，帮客拎呢样调味料，果样调味料？越谂越唔明，难怪啲怪越来越少，唔系无原因嘅。
到最后出去畀钱，又发生咗一件我谂极都唔明嘅事：我间店员接唔接受BOC pay，佢答话无呢个收款功能，咁我只能够畀八达通啦！但奇怪系佢出嘅收据居然系中银抬头嘅，咁即系话佢呢间食店系以中银作为主要营业收入存款嘅银行啦。以中银作为主要收入存款银行嘅公司，居然无中银嘅电子支付工具，系唔系好怪呢🤔🙄😳？
奶茶
15 浏览
0 赞好
0 留言
16 浏览
0 赞好
0 留言
张贴
