樂園 (已搬遷) 新店位置

专程嚟到呢间小猫乐园帮朋友庆祝生日！入到餐厅，空气出奇地清新，原来餐厅入边放咗空气清新机！👍🏻小猫非常可爱，完全唔惊人。😊🌈先来饮品，侍应推介呢杯新出嘅仙气花浴，有淡淡玫瑰香味，配合柚子酸甜味，好夹好清新！最特别系呢样饮品冲系个浴缸度，而隔离有个制，可以开花洒！🤣而朋友叫咗个榛子朱古力热饮，上面铺左个泡泡浴猫仔，浮下浮下，非常得意讨好！🤣👍🏻而饮品味道亦很好，榛子香浓，饮落舒服！😌朋友生日特登叫咗个二人套餐，系食物板上面，餐厅可以帮我地写啲字！💝二人餐嚟到，个食物板非常大块，而食物味道亦调校得恰到好处！特别想赞，熟食蒜片牛柳粒，蒜片, 非常烟韧香口, 又牛楼粒牛味浓郁! 鹅肝多士，鹅肝表面煎得脆卜卜，外脆内软，非常肥美！而牛油帆立贝亦好大粒，呈半熟状态，抵赞！惊朋友唔够饱，所以落埋个芝士有几大啡菇！😋芝士软熟，而大啡菇非常多汁，菇味重，新鲜！😊最后上埋个朱古力心太软，呢样都冇得弹！每样碟上都好多得意嘅装饰，非常细心！