意粉狂熱 (皇室堡) (已結業)

之前同朋友系呢度食过，觉得佢几抵食，所以做完瑜伽就再约朋友过黎食🤤7:00就去到食，所以附近冇咩人，都几静几舒服，仲有我钟意嘅装饰🤪🤪见到佢有卖mac & cheese，觉得好吸引，又几抵咁，但做完运动冇嗌到，下次一定会食返!!我地嗌左个二人餐，好抵，有餐汤、前菜、两个主食仲有甜品，人均都只系百几蚊!!个沙律菜好新鲜，又大份，好在就系啲汁份量啱啱好，唔会好似汤咁，又唔会少到好淡。沙律嘅精髓—面包粒，都仲系脆架🤤特浓南瓜粟米忌廉汤同法式芝士洋葱汤南瓜忌廉汤好饮，甜甜地，又几creamy，不过会有少少顶肚。洋葱汤就有一块焗芝士面包系上面，但面包浸左落去之后，索哂啲汤就会有少少咸。呢个系温泉蛋蒜香蘑菇鲜制意粉，我对意粉嘅软硬度都有啲要求，但呢个意粉啱啱好，唔会太软或太硬，个汁都调得好食，如果可以多返少少汁就更好了!芝心牛油果烤鸡披萨牛油果好似几健康咁，个烤鸡食落仲juicy架，推荐!!是日甜品—朱古力慕丝蛋糕系意想不到嘅惊喜，觉得整得好好食，佢有两个层次的，上面系慕丝，下面系海绵蛋糕，上面仲有啲完全唔thick嘅忌廉，配埋士多啤梨，酸酸甜甜真心好食!!我地唔够喉叫多左个朱古力香蕉薄饼，落单时