雲來軒 (已結業)

之前睇饮食节目已经mark左呢间中菜厅，今日相约老公到此一聚。经过一条楼梯，梯间嘅侧边挂著一幅幅宝哥嘅招牌菜与杂志纸。天花板以一幅一幅云朵拼成， 同「云来轩」的名字相合。入座及离开时侍应有亲切的招呼。坐低时，侍应已略略介绍招牌菜，唔觉hard sell , 感觉舒服。普洱茶好浓好滑，老公一向都饮好似苦茶的普洱，所以佢不停赞茶好饮。前菜腰果脆口唔油腻，仲要越食越开胃。窝粑士多啤梨骨窝粑好脆，唔会有油腻感，佢脆到"卜"一声，唔会腍或韧。士多啤梨和酱清甜，真系有骨俾你，出面好多酒楼都只俾肉而冇骨。醒胃话梅鸡(半只)话梅虽然已经系煮到腍，但我食咗几粒，因为酸微微好开胃。鸡肶好嫩，唔舍得咬走鸡皮，因为啲话梅味入哂啲皮，甜甜地好香。三色椒好甜爽口。雪山花之恋好似幅画咁，蛋白好滑，入面有一丝丝蟹肉和花支片，核桃甜美冇益味。侍应系我地食完每道菜之后都帮我地换碟，服务一流。**记住要订位，当晚7:30已经满座。