陸陸雞煲火鍋 (已結業)

睇完show已经夜晚十点几，一大班同事打算宵晚加吹水，于是去到陆陆。香港人一年四季打边炉，已经见惯不怪，但夏天三十几度焗住食麻辣鸡煲，就真系搲爆头都唔明。系为咗大鱼大肉，抑或边食边倾，实在不得而知。Anyway，我亦唔明点解来自大陆北方嘅鸡煲会传入香港，因为呢种食法以至格局，其实唔系太适合南方气候，一来湿二来热三来味道浓烈，食完汗叠汗仲食苦过做苦力。但同事们强推，于是放开心情一试。个人感觉系，鸡煲本身料足，鸡肉入味，煲汁即使系走辣亦惹味；就算再用热水冲稀加料打边炉，配料亦好入味。同时间叫咗个小辣煲，点点刺激过瘾非常。我唔系食开辣亦食得开心。但讲真，自己胃口偏细，加上煲汁太油腻，即使以斋菜为主，食完都好滞下。或者，呢啲系滋味嘅代价。即使系8至10人，如果人人胃女细，其实净食个煲都好够下。当然，最好叫多些少菜，咁食落健康好多。因为煲入面，想揾条菜都难。唯一要投诉嘅，系枱上嘅电磁炉经常自动熄炉罢工，开开关关好麻烦。