咖啡灣 (已結業)

买得保险多，几乎每个月都有保险续保，今日约咗保险经纪在宝琳见面，续保份意外保，顺便揾间餐厅食晏，我地行到新都城商场，见呢间咖啡湾，餐牌食品多元化，门面很有欧陆风格，门口的Lego摩天轮摆设很特别，可以影相打卡，环境舒适，好适合倾计同食野。餐厅有午餐，我叫咗份龙虾汁意大利粉set lunch,餐饮加💰10要咗紫薯红豆牛奶。餐汤系忌廉粟米汤，口感绵滑😋龙虾汁大虾烩意粉，个龙虾汁酸酸地，又混合埋香浓嘅芝士酱，意大利粉弹牙，食落又唔觉腻，大虾大大只，够爽😋紫薯红豆牛奶色彩好靓，紫薯味好重，加埋牛奶就更加香同滑，原来呢个配搭都好好饮㗎，减少少甜就更加 perfect😍我地都喜欢食雪糕，见餐厅有窝夫雪糕，就叫咗香蕉朱古力窝夫share食，因为系即制，所以等咗十多分钟，窝夫由八件小窝夫拼合成一朵花形状的底层，小窝夫顶唧咗花型鲜忌廉，再加上香蕉件、焦糖星星、棉花糖同两球雪糕，窝夫松软，有蛋味,多重口味😋