糖水檔 (已結業)

晚饭系附近打完边炉，返到屋企一阵，太太突然记得自己漏左件外套系打边炉到🙄。打左电话去，佢地揾得到，咁唯有揸车去拎返。既然揸得车去，一场黎到，就系附近揾间野食宵夜。太太一直都想试呢到附近果间糖水档嘅菜干猪骨粥，所以我怀疑成件事系有预谋😂。去到坐低。叫左碗鸭肾菜干猪骨粥，布拉滑肠粉，XO酱炒米粉。鸭肾菜干猪骨粥超级好味，好绵，好有细细个系街边食嘅味道。超正。布拉滑肠粉呢个又系正，好滑好滑。XO酱炒米粉对比起个粥，呢个普通啲。又揾到个食宵夜嘅好地方。不过坐系街边，点都有好有唔好。