三姐廚房私房菜 (已結業)

同事带队食好野，带左我去观塘工业区，近年黎呢头都多左好多野食，但以西餐为主，今日食中菜，都几期待。上到去环境都唔错，而且已经坐满晒，已经有晒信心。头盘分别有沙律同熏蛋，前者虽然唔系传统中菜，但D菜又新鲜爽口，加上酸酸甜甜既酱汁，非常开胃。茶熏蛋就配鱼子酱，鱼子酱配蛋几时都冇失手，一淡一鲜互相配合，而衬底既厚切茄子可以话系惊喜之作，走过油既茄子劲甜劲香。炖汤我就拣左人参螺头赤肉汤，炖完出黎既汤好清，但味浓，忍唔住要食晒D汤渣。主菜方面我最中意就系三葱鲍鱼，一打开个沙煲盖真系成间铺都香，劲惹味！鲍鱼火喉岩岩好，唔会韧，我敢讲我一个人可以食一煲!!!!!