影片
更多
2010-10-18
16 浏览
今日一条佬特登喺午饭时段嚟到湾仔，就喺为咗去电话公司攞𠮶五百几蚊嘅超市Coupon，咁嚟得湾仔当然要揾好嘢食，上定开饭选定去食杨记嘅虾子捞，点知去到又排晒长龙，咁食饭时间净返唔多仲要搭车返中环，维有继续向前行，去至轩尼诗道和庄士敦道交界再行返转头，沿途睇吓有咩好食。之前真系无谂住扫街做午餐，不过一转入庄士敦道口已经见到十三座牛杂个招牌，记得有睇过开饭嘅食评都几好，就试吓食一次牛什当午餐啦!嚟到舖面，哗! 咁干净嘅? 都系第一次见到卖小食嘅地方咁干净企理，每一个小档位同立食嘅小吧位都抺得好干净，而且有食客食完个碟，店员一有时间立即出嚟收拾同清洁，卫生真系要加分俾佢。牛什呢样嘢唔系健康食品，内脏不能够多吃，食得多身体会积存尿酸，对于D上咗年纪嘅朋友嚟讲，因为新陈代谢慢D分解唔晒，尿酸就会积存，尿酸过多会引至关节痛同肌肉酸痛，不过我仲后生，食多小小应该无问题，等我今日一次过食晒40岁前嘅quota，嚟碗细牛什($30)吖唔该!食牛什当然喺咩位置都要齐，膀肚肠肺缺一不可。唔单只舖面干净，连D牛什睇落都好干净。又唔知系咪干净得滞影响咗食味呢? 第一，牛什(除咗肠外)嘅膻味无咗。第二，无牛味又无卤
嚟到舖面，哗! 咁干净嘅? 都系第一次见到卖小食嘅地方咁干净企理，每一个小档位同立食嘅小吧位都抺得好干净，而且有食客食完个碟，店员一有时间立即出嚟收拾同清洁，卫生真系要加分俾佢。
牛什呢样嘢唔系健康食品，内脏不能够多吃，食得多身体会积存尿酸，对于D上咗年纪嘅朋友嚟讲，因为新陈代谢慢D分解唔晒，尿酸就会积存，尿酸过多会引至关节痛同肌肉酸痛，不过我仲后生，食多小小应该无问题，等我今日一次过食晒40岁前嘅quota，嚟碗细牛什($30)吖唔该!
食牛什当然喺咩位置都要齐，膀肚肠肺缺一不可。唔单只舖面干净，连D牛什睇落都好干净。又唔知系咪干净得滞影响咗食味呢? 第一，牛什(除咗肠外)嘅膻味无咗。第二，无牛味又无卤水味，似白烚，可能因为个汁底本都无咩味。最惊喜系嚿萝卜，好甜无渣，系嚿萝卜本身好食，唔关整得好唔好食事。
对D怕污糟嘅人应该系唔错嘅选择，如果个浆汁浓返D应该可以弥补牛什无牛什味嘅不足。虽然唔算系好好食，但都唔系难食嘅，俾个一试无妨你啦!
向下一站进发!
张贴
