露面手工拌麵料理

叫到成枱野食，上到枱先知样样都好大份，好足料！而且整体食物都有质素，性价比高。巴蜀粒粒大云呑 $35 以为类似红油抄手咁，原来只系无浸汤既云呑加辣椒油。粒云呑真系够大粒，好足料，好食！加埋秘制辣椒油好香好惹味！（唔够可以自己再加）现场见到有同店员包紧水饺，望落都好大只。芥香麻酱鸡丝粉皮 $42 粉皮弹牙，麻酱比较杰身，捞埋鸡丝青瓜丝同芝麻，多重口感，正！温馨提示，因为太多料，所以要小心啲捞，唔系就跌晒徙左拉。野生松茸鲜鸡汤 $38 虽然卖相同餐牌上有点差异，但松茸片几多，仲有件煲到入口溶化既鸡，饮落好鲜甜。油拨辣子鲁肉Biang Biang面 $55 餐厅主打手工面，呢个Biang Biang有点似刀削面，面条粗身有嚼劲，够挂汁。个鲁肉系半肥瘦，够入味，仲有冬菇粒，两者size差不多，食起来口感丰富，味道唔错，我再加埋秘制辣油捞埋食仲正！啖啖鱼肉酸菜鱼 $68 呢个面餐好抵食，仲跟埋杯菠萝青柠蜜。不过我见另一个叫左Biang Biang面，呢个就加$3转波菜宽面。酸菜鱼上枱果阵都觉得好大碗，但原来碗面系另上！真系好足料！鱼片好多，虽然唔算好嫩，但都可以接受。另外仲有萝卜条，大豆芽等等。