黑木堂

营业中

休息中

去完奥海城睇戏，唔想去大商场食连锁餐厅一直行到去大角咀区寻找小店。今次揾到呢一间装修充满日式风味嘅日本料理餐厅。全店以木色做主题，座位多但相对比较逼。店内有不同嘅摆设，有唔同嘅画同埋唔同款式嘅饮品做装饰。店内有优惠，凡惠顾满$200便可以享有特价小食。于是我哋叫咗两个刺身丼同埋一串鸡软骨，刚好够数。海盐烧鲭鱼$32用筷子一夹开鱼肉，啲鱼油直情系涌出嚟！师傅功夫好！完全做到外皮脆，但系肉质唔会过老。食完之后口腔仲留停住鱼油的香味，好满足。海盐烧鸡翼鸡翼皮够脆，温度亦够。加入少少柠檬汁去一去油腻感，正！酱汁烧广岛蚝虽然明知道熟蚝其实唔会系新鲜既蚝，但系咁样烧法再加埋一啲类似沙律酱，少少酸嘅汁配搭起上嚟有几match㖞！我哋叫咗两款刺身丼，贵啲𠮶款系有三文鱼腩，只系觉得太薄片，海胆嘅鲜味一般。反而欣赏平$20嘅三文鱼配帆立贝丼，虽然张厚切嘅帆立贝㓥开一半咁摆，份量唔算多但系都尚算鲜味。香港地铺租咁贵，周围都系连锁铺头，一般小店都好难经营。所以我一直都好钟意去大角咀区既小店，虽然价钱唔算特别平但系好有个人风格，希望大家继续支持。