豚組 (已結業)

同友人会合, 就去咗家乐坊的”豚组”, 个场”转型”后都一直无嚟过。 晚饭时间, 要等位, 差不多等咗15分钟。由侍应带领到坐位, 见到都有几张”吉”枱, 唔知点解唔比人入, 系都要人等。友人叫咗个A + B餐：炸白豚 + 炸虾 (佢食食吓先发现比错咗..唔系炸虾, 比咗炸蚝, 不过无叫人换)。我食咗佢一件炸蚝, 好厚粉, 唔多好食, 只蚝劲细…因为我唔系太饿, 所以叫：冻乌冬：一人份量都ok, 乌冬够冻, 不过就唔系好够弹牙。蒜葱牛肉卷：有4件, 估唔到, 好好味。炸粉唔厚, 牛肉都几嫩, 唔会干柴柴。芝麻鸡亦 (同友人share)：有3只, 都几多肉、几大只。好juicy, 好味。同场：我听到有客问set内的饭 & 椰菜丝有无得refill (我记得铜锣湾果间系有的), 个侍应话：”唔好意思, 我地呢间无得refill, 铜锣湾果间就有, 不过果间个价钱平均贵过呢度$20”……..哦..原来有此事。食物：小食好似好食过set menu。Service：ok 。 环境：如果安排到住卡位会好d, 不过今次我地得2个, 一定唔会比卡位啰。价钱：中等。