鰹烏冬 (寶華閣)

营业中

休息中

一直都好喜欢吃乌冬嘅口感，之前一直见呢间餐厅好有日式风格，次次经过都排满人，今日6点几去到，唔驶等位就入到去！铿鱼清汤乌冬及月见乌冬～两个都系铿鱼清汤底，分别系后者有日本生鸡蛋可以捞匀食，口感更滑溜。但感觉上铿鱼汤底较淡，乌冬份量好多，口感弹牙，但食得多会觉得较硬唔易消化。天妇罗鸡件～天妇罗嘅口感，但入面系炸鸡，食落几有惊喜，入面好juicy，啲汁漏晒出黎！流心蛋～煮得啱啱好，而且只蛋本身都有调味，就咁食都好够味！关东煮～一碗入面有狮子狗、白罗卜、椰菜卷、蒟蒻和鸡蛋。白罗卜同椰菜卷超入味，味道甜甜地！骨付鸡～超级推荐！鸡皮烧得好香脆，鸡肉好嫩滑同juicy，味道超惹味，似系用咗蜜糖、七味粉、胡椒味。鲭鱼～烧得好香，鱼肉好嫩滑，就算唔加柠檬，都唔会觉得腥。