影片
更多
2024-05-04
30 浏览
餐厅位于厚福街中间既商业大厦之中，9点后特定餐牌有半价，听起上黎就好似几抵啦，即刻去试下先。当日系晚上9点几入座，餐厅人唔多，一入到去见到灯光都几暗，服务员态度好好，马上招呼我入座 ，安排左将4人卡位比我，坐得舒舒服服。《$32 咸牛肉明太子烧馒头 (宵夜价)》⭐⭐⭐⭐一份有4件，系平时食开既炸馒头Size。馒头上面先查左一层咸牛肉酱，再落一层明太子酱，再攞去烧。一摆入口，咸味系口腔入爆发，加上烧馒头外脆内软既口感，相当有趣。咸牛肉同明太子酱配合得刚刚好，唔会咸上加咸，两层酱又中和番馒头好干争争既质地，值得推介。《$58 铁板柚子蜜烧牛舌(宵夜价》⭐⭐⭐一份大约有六件牛舌，都系切得相当厚，用盐同胡椒简单咁调过味。上枱既时候牛舌系比满满既洋葱覆盖住，再加上系用铁板上菜，铁板既余温令到洋葱既甜味, 柚子酱既清新，同牛舌完美溶合左，食落甜甜地几特别。《$168 𤇭月三点》⭐⭐⭐三点包括月见和牛，免治吞拿鱼他他，矶煮鲍鱼。上枱既时候店员好贴心咁同我讲食既顺序，用既餐具都好靓好华丽。免治吞拿鱼他他配左几片紫菜黎包住食，入面仲加左少量薄脆增加口感。月见和牛就系生牛肉捞埋蛋汁食，牛肉本身有用酱油腌过
餐厅位于厚福街中间既商业大厦之中，9点后特定餐牌有半价，听起上黎就好似几抵啦，即刻去试下先。当日系晚上9点几入座，餐厅人唔多，一入到去见到灯光都几暗，服务员态度好好，马上招呼我入座 ，安排左将4人卡位比我，坐得舒舒服服。
《$32 咸牛肉明太子烧馒头 (宵夜价)》⭐⭐⭐⭐
一份有4件，系平时食开既炸馒头Size。馒头上面先查左一层咸牛肉酱，再落一层明太子酱，再攞去烧。一摆入口，咸味系口腔入爆发，加上烧馒头外脆内软既口感，相当有趣。咸牛肉同明太子酱配合得刚刚好，唔会咸上加咸，两层酱又中和番馒头好干争争既质地，值得推介。
《$58 铁板柚子蜜烧牛舌(宵夜价》⭐⭐⭐一份大约有六件牛舌，都系切得相当厚，用盐同胡椒简单咁调过味。上枱既时候牛舌系比满满既洋葱覆盖住，再加上系用铁板上菜，铁板既余温令到洋葱既甜味, 柚子酱既清新，同牛舌完美溶合左，食落甜甜地几特别。
《$168 𤇭月三点》⭐⭐⭐三点包括月见和牛，免治吞拿鱼他他，矶煮鲍鱼。上枱既时候店员好贴心咁同我讲食既顺序，用既餐具都好靓好华丽。免治吞拿鱼他他配左几片紫菜黎包住食，入面仲加左少量薄脆增加口感。月见和牛就系生牛肉捞埋蛋汁食，牛肉本身有用酱油腌过，就咁食已经好好食，再加埋蛋汁就更滑更香。矶煮鲍鱼就普通少少，但鲍鱼肉质都爽弹。
《$38 三文鱼5切(宵夜价》⭐⭐三文鱼唔算出色，虽然冇好大阵雪味，但都冇咩鱼味，唔系厚切，一般般纯粹过下口瘾。
《$18 牛横隔肌波菜汁(宵夜价)》⭐⭐餐厅提供左几只唔同既酱汁比客人挑选，包括蒜香，菠菜汁，wasabi，同蜜糖芥末。见菠菜汁几特别，就试下佢，但可惜好大阵草青味，感觉配落牛肉唔太夹，可能其他酱汁配肉会好少少。今次呢串牛横隔肌有点overcook，咬落肉质极韧，好难咬开。
《$18 虾姨葱牛肉卷(宵夜价》⭐⭐虾姨葱好香，再用牛肉卷住去烧，令到牛肉充满住葱香味。但牛肉肉质普通，冇咩肉味，仲要烧得太耐浓左，食到苦涩味，普普通通。
呢间舖头既串烧都系偏好细串，不过宵夜价$18就可以接受。如果正价时段黎食，就真系要考虑下叫唔叫串烧啦。感觉上厨师火喉上既把控做得麻麻地，试左两串都系overcook，希望只系一时失手啦。人均消费：$350
环境：8/10
食物：7.5/10
服务：8/10
性价比：7/10
整体：7.5/10
张贴
