Food Garden ETC (已結業)

今日同朋友去咗D2 Place行街，呢层嘅餐厅都转左唔少，今次拣咗一间西餐厅入嚟食晚饭，餐厅环境都几宽敞，坐落舒适职员都好有礼。松露酱野菌忌廉汁意粉$148松露酱嘅味道好香浓，仲有蒜香味，忌廉汁香滑，酱汁挂满意粉，配料仲有好多野菌口感丰富。小食拼盘$168有洋葱圈、单骨鸡翼、薯波、芝士肠， 分量十足炸得好香脆，洋葱圈好爽口，鸡翼有肉汁唔干身，而我最钟意就系食薯波，一口薯波真系好滋味，呢个小食拼盘用嚟送酒都一流。芝士焗椰菜花$68估唔到佢咁大碟，面层铺满焗过既半溶芝士，椰菜花好湿润，芝士味唔会好腻。苹果醋150 ml $58 朱古力$40 苹果醋加入糖浆，味道唔会太酸，入口小清甜，好解渴。