泰斗 (TKO Gateway西翼)

营业中

休息中

💚泰斗💚可能因为人手唔够，所以都冇乜人serve你😂上菜速度都几慢。态度OK。▫️小食拼盘（细）$148最好食呢个，推荐大家嗌。虾饼香脆，弹牙。鱼饼竟然唔腥，真喺好难得，所以都忍唔住食咗几旧。素春卷都好食，外皮脆，入面馅料都多，几香口。▫️泰式烧猪颈肉 $108肉质偏硬身，干。味道冇特别，酱汁有啲淡。▫️马莎文咖哩牛坑腩配薄饼 $148咖哩属于甜咖哩，食落口有少少椰汁味。咖哩中有唔少花生碎，增加口感，小编几钟意佢呢个花生嘅配搭。牛坑腩一个字 - 韧，肉粒size都几细，不过份量正常（不过佢咁韧，多都唔想食😂）薄饼偏油同干，份量都几少，只有5小块。同平时食嘅薄饼有分别，浸咗咖哩都好似比较干同硬🤔▫️马拉盏炒通菜 $78正常，冇特别，唔辣。