慢煮工業 (已結業)

今次用订座apps，同朋友黎到太子呢间以慢煮菜式做主打既餐厅食晚餐 (9折)，其实餐厅位置唔算就脚，需要揾一段路先到。不过，粉红色门口加上抢眼既霓虹灯招牌，于呢条平平无奇既街道上确实易认。餐厅楼高两层，装潢就如其名，慢煮工业当然系行工业风，水泥墙，墙身挂上多幅特色画，设计有心思；另外，当你拣好心水食物后，就可以出去收银处落单﹑付费，侍应随后会送上食物。 两人用餐：1)    芝士流心蛋大啡菇: 大啡菇上铺上一片轻轻烧过既芝士，切开大啡菇时，蛋汁即时流出，几美味！2)    蒜香芝士排包（小份）：布满芝士既排包烤得香浓脆口，芝味十足，好邪恶，系有惊喜！3)    慢煮菲力牛扒＋牛油虾仁：牛扒使用慢煮既方式烹调，肉质比较有口感，但不是我的菜，而且牛扒份量好小；另外，牛油虾仁非常油腻，虾仁阵阵雪藏味，加钱的话绝不推介！4)    慢煮西冷牛扒＋蟹肉芦笋：虽则牛扒系慢煮形式，唔够即煎牛扒咁热辣辣，但温度始终差少少，近来天气冻，上枱10分钟肉汁已经开始凝固，影响口感！最后食满$450，餐厅送左经典刀仔一套，小巧趣致，可以收藏一下。