意堡

营业中

休息中

今天收工比较晚，唔想食正餐，所以系屋企附近揾间野食d小食，见到呢间意堡未试过，就比次机会佢。食完我觉得要写一写佢，因为价钱超值，食物质素超班，认真以后睇波都揾你地叫外卖先得。叫左个七味粉鸡翼，鸡脾肉串同粗薯条，首先比个价钱吓亲，鸡翼同薯条都系$20，鸡脾肉串就$13，心谂呢个价钱真系几平，所以先叫3样。黎到唔好讲笑，鸡脾肉串大到呢，食落好鬼juicy，又够沙嗲味，出面咁嘅质素起码20 30蚊，呢度13蚊有d吓亲，买返几串返去送啤酒都唔肉痛，仲抵过买麦当劳！之后个鸡翼炸得好香口，但又唔会话干到柴咁，个薯条又系出色，够脆又唔油，油温控制得好好，加埋个黑松露酱，呢个配搭又真系唔错，食唔停口。见唔系好多人知呢间野咁，真心觉得正所以上黎写写，下次黎试埋你地个猪扒汉堡先，见都几多人叫佢。