魂 (已結業)

记得多年前光顾过铜锣湾的"魂", 那时常常都有长人龙排队, 最近发现它搬来太子, 就去回味一下当年的味道。魂拉面$89 & 太极拉面$99: 两个汤底都是豚骨汤为主, 分别是太极有一半沟上墨鱼汁汤, 豚骨汤清清地, 唔太咸唔太杰唔章口, 是可以饮的汤底, 墨鱼汁汤就有阵咸鲜味, 拉面比较淋身, 玉子都几软熟, 叉烧亦是, 肥瘦适中。八爪鱼波波$18: 是炸墨鱼丸粒粒, 有墨鱼肉在内, 都几香浓。日本枝豆拌海盐$12: $12有超多的枝豆, 超抵食, 估唔到, 食拉面都补充到足够纤维, 好正。日式炸鸡块$20: 即叫即炸, 好有诚意, 热辣辣脆卜卜, 好滋味, 鸡肉亦滑, 不过肉唔算丰厚。烤日本味淋鱼干$15: 比坊间的同类作品, 有少少干同硬, 不过咁既价钱无野好讲啦, 性价比高。用平板黎点餐, 都几环保, 不过系统可以再改良, 例如加入面条硬度和汤底浓淡, 就完善一点。