影片
更多
2020-05-01
28 浏览
之前食过铜锣湾分店觉得唔错，今次就食尖沙咀分店，两店餐牌差唔多，而尖沙咀分店就多左限定串烧，仲有一蚊升级和牛优惠，一于试试佢。船皇汤面 HK$58；升级和牛 HK$1汤底依然浓郁，今次加左辣，更加惹味。我食亲船面都会拣河粉，贪佢够挂汤，吸晒汤底精华。船皇即系杂锦乜料都有，值得一提嘅系炸猪皮好脆但唔油腻，肉丸几弹牙。加一蚊就可以升级和牛，虽然唔算上乘货色，但牛味同口感好过一般肥牛，一蚊绝对试得过。鸡丝鸡翼汤面 HK$48朋友食米粉，份量都几多，索汤好快，唔好放咁耐。鸡翼几大只，鸡丝唔算韧。泰式炸春卷（3件） HK$22原本以为系杂菜馅，点知原来系原只虾包网皮炸，皮好脆，虾肉爽甜，唔洗点酱都好好食。串烧牛舌 HK$18牛舌要厚切先够满足，呢度嘅牛舌算厚同腍，唔会死实，外面用泰式辣汁烧得好香。泰式红豆冰（跟餐） HK$18椰奶味好浓，好过港式奶水红豆冰多多声。青柠梳打（跟餐）HK$15唔会过甜，可惜唔够汽泡唔够爽，可能用窄杯上会好啲。
之前食过铜锣湾分店觉得唔错，今次就食尖沙咀分店，两店餐牌差唔多，而尖沙咀分店就多左限定串烧，仲有一蚊升级和牛优惠，一于试试佢。
船皇汤面 HK$58；升级和牛 HK$1
汤底依然浓郁，今次加左辣，更加惹味。我食亲船面都会拣河粉，贪佢够挂汤，吸晒汤底精华。船皇即系杂锦乜料都有，值得一提嘅系炸猪皮好脆但唔油腻，肉丸几弹牙。加一蚊就可以升级和牛，虽然唔算上乘货色，但牛味同口感好过一般肥牛，一蚊绝对试得过。
鸡丝鸡翼汤面 HK$48
朋友食米粉，份量都几多，索汤好快，唔好放咁耐。鸡翼几大只，鸡丝唔算韧。
泰式炸春卷（3件） HK$22
原本以为系杂菜馅，点知原来系原只虾包网皮炸，皮好脆，虾肉爽甜，唔洗点酱都好好食。
串烧牛舌 HK$18
牛舌要厚切先够满足，呢度嘅牛舌算厚同腍，唔会死实，外面用泰式辣汁烧得好香。
泰式红豆冰（跟餐） HK$18
椰奶味好浓，好过港式奶水红豆冰多多声。
青柠梳打（跟餐）HK$15
唔会过甜，可惜唔够汽泡唔够爽，可能用窄杯上会好啲。
张贴
