班蘭小館 (已結業)

星期四早上同事们又开始为LUNCH食咩而头痛，公司附近的餐厅都差不多已经全部试过，今日有同事提出想食喇沙，经Openrice揾完一轮后，拣左呢间系西湾河的小馆。虽然要搭一乘车先去到，不过订到位动作快少少时间上都问题不大。我地订左1点钟枱，去到时虽然仍未需要等位，不过都已经差不多坐满客人。餐厅唔大间装修普通，空间都几宽敞。午市套餐有6款选择，专程来到我地当然系点新加坡菜色: 招牌海南鸡饭、肉骨茶同新加坡喇沙，另外餐饮加$5可转马来酸柑特饮。招牌海南鸡饭份量都几多，虽然鸡肉唔算好鲜嫩，不过唔太干，味道都唔错，午市$60都几抵食。新加坡喇沙汤底都算香浓，可惜材料味道比较淡，份量都适中。同事食的肉骨茶药材味都几浓，不过配饭食比较淡口左少少。马来酸柑特饮味道真系比平常饮的酸。班兰小馆的午市套餐味道唔算好突出，不过唔需要加一，$60左右一位，性价比都唔错。