韓舍 (已結業)

朋友生日 , 想食韩烧 , 之前表弟一直向我推荐韩舍 , 终于黎一探究竟。上礼拜想食但人太多于是放弃 , 今次五点半就入场 , 唔洗等。无油烟烤肉 , 啲食物味道淹得刚好 , 可惜种类少咗啲。推荐鸡肾 , 好脆好爽口, 猪肉也是。仲有辣鸡翼都正 , 烧三文鱼肥油好多 , 都算香 , 牛同金沙骨就一般。虾几甜几新鲜 , 食咗唔少。试咗猪脚姜 , 稍微酸咗少少。小食Ok强力推荐三文鱼 ! 够肥够香 , 切得也厚。一次只可以攞四件 , 为此而走咗好多转。甜品也令人惊喜 , 尤其是木糠杯 , 我同朋友每人食咗两三杯 , 欲罢不能。细细件嘅cake都好味 , 咖啡蛋糕够浓味 , 苦甘苦甘 , 蓝莓同士多啤梨都唔错。芝士波麻麻地 , 泡芙还可以。朋友食完觉得好饱且满意 , 美中不足的是 , 一系用餐时间太短 , 得一个半钟 , 而烧野食本身就需要时间。二系冻饮太淡 , 茉莉花茶又太甜。三系服务态度差。四系卫生一般 , 好多碗碟睇起身好似无洗干净咁。埋完单有50蚊coupon送 , 四人或以上同行先可用 , 限期20日 , 可以考虑再黎。