La. Tomokuo Japanese & Western Cuisine (已結業)

难得可以去食西餐，系观塘拣咗一间好有格调嘅餐厅，果然冇令我失望㖞！前菜有吞拿鱼他他，吞拿鱼十分之鲜味，轻轻一啖已经食晒噜！餐汤方面亦都有惊喜，蘑菇汤加上黑松露油，令到成碗汤更香，而且蘑菇汤煮得岩岩好，饮落好唔错除咗有吞拿鱼他他之外，仲有沙律作为前菜，沙律除咗有蔬菜之外仲有生果，加上少少沙律醋，令到成个沙律好香好吸引，食完之后都觉得十分之开胃！除咗沙律之外，仲有一个鲜虾杯，除咗有一只十分之鲜甜嘅大虾系入面之外，仲有少少沙律菜加上千岛酱，又系另一个开胃之作！主菜方面叫咗牛扒，牛扒五成熟煎得啱啱好！一切开肉汁流晒出嚟，而且牛扒汁味道十分之香浓，用嚟点薯条就啱啱好，茄汁都可以悭返而朋友食呢一个鱼，亦都有惊喜㖞！鱼皮煎得十分之香，食落一啲油腻感都冇。除此之外鱼肉香滑，旁边嘅南瓜蓉亦都同佢好夹。