小魚兒 (富麗花園) (已結業)

呢几年兴食烤鱼，无理由唔试吓。呢间地方够大，最重要系冷气够冻，因为无论烤鱼定鸡煲都预咗热到出汗，大热天时食辣野冇冷气真系搞唔掂。系呢度食烤鱼，可以先选鱼款，再选烤鱼口味，搭配非常之多。另外再有好多其他食物选择。拣咗入门的海鲈鱼配鲜九叶花椒BB豆花。成盘烤鱼放到炉上面，配料摆放整齐，好吸引。鲜九叶花椒BB豆花拣小辣小麻已经好刺激，但唔食辣感觉又好似对唔住自己。海鲈鱼肉细嫩，厚实，配料有云耳豆腐等，全部都吸晒味。最后仲有大大条宽粉，烟烟韧韧。食完烤鱼甜品食炸双皮奶，同样出色。外层香脆，中间牛奶软滑，而且惊喜地加入红豆。