影片
更多
2023-03-28
226 浏览
光 荣 米 线 //之前观塘骆驼漆对面有间光荣冰室，但前排执咗，点知原来近排喺骆驼漆2楼开咗香港第一间光荣米线。呢间光荣米线同其他光荣嘅分别就系佢卖嘅系米线同埋其他光荣主打嘅饭。不过我哋今次都系食返正常光荣冰室嘅嘢食，下次先再试佢哋嘅米线。三眼鸡扒饭 ($56 连餐饮) (7/10)三眼鸡扒饭系光荣嘅主打，相信食过光荣都会见过或者食过呢个饭。其实即系三只太阳蛋加鸡扒嘅饭，饭preset左系跟葱油同豉油汁，系无得输嘅配搭。太阳蛋好岩捞饭，鸡扒大大块，外皮煎得好脆，但腌得偏咸。葱油同豉油份量都好足，豉油汁略嫌偏多，加上鸡扒都偏咸，成个饭会越食越咸。建议大家下次食嘅时候可以嗌汁另上。茄汁吉列鱼柳炒滑蛋饭($56 连餐饮) (7.3/10)因为友人唔想啲茄汁浸淋左块吉列鱼柳，所以落单嘅时候叫咗汁另上。上台嘅时候吉列鱼柳热辣辣，非常之脆，炸粉亦都唔会好厚，外脆内嫩，调味岩岩好～好食！茄汁亦都见到有一嚿嚿蕃茄，真材实料。炒蛋亦都好够滑，而且份量好多，目测份量应该有两至三只蛋。所有嘢夹埋冇话好夹，但全部都好啱送饭，以呢个价钱来讲，性价比都唔错！另外跟餐嗌咗一杯冻华田同冻柠茶。留意番呢度冻饮系唔使加钱
之前观塘骆驼漆对面有间光荣冰室，但前排执咗，点知原来近排喺骆驼漆2楼开咗香港第一间光荣米线。呢间光荣米线同其他光荣嘅分别就系佢卖嘅系米线同埋其他光荣主打嘅饭。不过我哋今次都系食返正常光荣冰室嘅嘢食，下次先再试佢哋嘅米线。
三眼鸡扒饭 ($56 连餐饮) (7/10)
三眼鸡扒饭系光荣嘅主打，相信食过光荣都会见过或者食过呢个饭。其实即系三只太阳蛋加鸡扒嘅饭，饭preset左系跟葱油同豉油汁，系无得输嘅配搭。太阳蛋好岩捞饭，鸡扒大大块，外皮煎得好脆，但腌得偏咸。葱油同豉油份量都好足，豉油汁略嫌偏多，加上鸡扒都偏咸，成个饭会越食越咸。建议大家下次食嘅时候可以嗌汁另上。
茄汁吉列鱼柳炒滑蛋饭($56 连餐饮) (7.3/10)
因为友人唔想啲茄汁浸淋左块吉列鱼柳，所以落单嘅时候叫咗汁另上。上台嘅时候吉列鱼柳热辣辣，非常之脆，炸粉亦都唔会好厚，外脆内嫩，调味岩岩好～好食！茄汁亦都见到有一嚿嚿蕃茄，真材实料。炒蛋亦都好够滑，而且份量好多，目测份量应该有两至三只蛋。所有嘢夹埋冇话好夹，但全部都好啱送饭，以呢个价钱来讲，性价比都唔错！
另外跟餐嗌咗一杯冻华田同冻柠茶。留意番呢度冻饮系唔使加钱，对比出面有啲舖头要+$5 呢到好有良心～冻华田偏淡味，冻柠茶就茶底几浓，正正常常～
张贴
