NUTTEA (海光街) (已結業)

好难得系香港见到用坚果制作既奶，配搭好创新，例如有香蕉燕麦、藜麦燕麦。重点系冇牛奶冇奶精，好健康。店铺装修清新简洁，放左好多唔同种类既坚果摆设，有1、2个位可以坐住等饮品。叫左香芋坚果奶($38)，四季春坚果奶盖茶($34)。第一啖饮，超浓榛子味，就好似食紧金莎咁。之后个口感就系超多芋头蓉粒，芋头打到好绵，非常足料。芋头味一d都唔假，因为真系真材实料。叫左微糖，所以唔甜，个人觉得甜唔甜都唔会影响饮品效果，因为微糖一样好饮。饮几啖之后，就好有饱足感。钟意食芋头既人，必叫。坚果制作既奶盖够特别，先用小铲子铲起奶盖试一试，咸咸既幼滑cream加埋粒粒坚果，好独特但出奇地好饮。然后再饮奶盖加四季春，入口先系香滑既cream，之后就系fresh既口感，咸味cream令茶味更加突出。搅拌再用饮管饮，会有口感上既冲击，吸到小小cream又饮到坚果味既茶。如果就咁食奶盖，可能会觉得腻，但再饮啖茶，就解左，jeng。整体，好值得饮坚果奶，比起平时饮既既手摇/手调饮品，更健康，而家用料讲究，好欣赏店舖花心思利用坚果调制奶类及茶类饮品。