影片
更多
2016-09-07
223 浏览
本来谂住同同事去我去开既cafe食饭，点知上到去先发现佢地包场，谂紧转去边既时候有个后生仔派传单话新cafe开张有8折，个人讲野都几风趣，佢叫我地试下支持下，见有8折又懒得谂所以就决定左上去。我地睇餐单既时候都觉得冇乜特别，都系啲普通野，最约叫左一个牛肉饭同一个小食。个黑糖牛柳茶香饭几特别，本来以为都系牛肉上面淋啲黑糖酱，但原来系煮既时候已经落左黑糖，仲有一种香料令到好惹味，饭就系以炒既方法煮，而且入面有啲好幼细既茶叶，食落唔洗夹返走，够哂方便细心。而小食就系炸薯条薯角拼蘑菇黑松露汁，薯条薯角真系冇乜特别，但个松露汁就真系直得一题，个酱汁好重黑松露味，入面有啲蘑菇粒好有咬口，而面头仲要再有一堆黑松露，多到好似唔洗钱咁，都可以一试。饮品方面好有趣，「昨天没美颜」原来系花茶，入面有好多唔同既花，听说加埋系会有美颜功效。仲有杯「电影节」，睇落去只不过系一杯普通沙冰，𠮶一刻真系极度失望，但饮落去又真系有爆谷味架㖞，但有啲偏甜，啲饮品个名同个味好衬好有心思。每个餐百几蚊再八折埋都算抵食。呢间餐厅真系好有心，真系估唔到啲员工个个咁后生都可以做到咁有水准，呢个价钱其实同翠华差唔多，但质料就唔洗讲啦，
我地睇餐单既时候都觉得冇乜特别，都系啲普通野，最约叫左一个牛肉饭同一个小食。
个黑糖牛柳茶香饭几特别，本来以为都系牛肉上面淋啲黑糖酱，但原来系煮既时候已经落左黑糖，仲有一种香料令到好惹味，饭就系以炒既方法煮，而且入面有啲好幼细既茶叶，食落唔洗夹返走，够哂方便细心。
而小食就系炸薯条薯角拼蘑菇黑松露汁，薯条薯角真系冇乜特别，但个松露汁就真系直得一题，个酱汁好重黑松露味，入面有啲蘑菇粒好有咬口，而面头仲要再有一堆黑松露，多到好似唔洗钱咁，都可以一试。
饮品方面好有趣，「昨天没美颜」原来系花茶，入面有好多唔同既花，听说加埋系会有美颜功效。
仲有杯「电影节」，睇落去只不过系一杯普通沙冰，𠮶一刻真系极度失望，但饮落去又真系有爆谷味架㖞，但有啲偏甜，啲饮品个名同个味好衬好有心思。
每个餐百几蚊再八折埋都算抵食。
呢间餐厅真系好有心，真系估唔到啲员工个个咁后生都可以做到咁有水准，呢个价钱其实同翠华差唔多，但质料就唔洗讲啦，我希望下次上黎都仲保持到呢啲水准啦，期待试埋其他特色菜。
张贴
