桂花小幸 (將軍澳廣場)

营业中

休息中

今日同朋友去左桂花小幸食下午茶，回味台湾的味道😀朋友叫左碗三盛牛肉面(养生汤)，当中有腱心牛肉、牛腩同牛丸，我试左一旧腱心牛肉同牛腩。腱心牛肉炆到冧得黎有弹性；牛腩大大旧，唔会好油腻，肉味香浓，炆得冧，d肉仲唔会痴牙添！另外，要一赞养生汤底！汤味清甜得黎，完全唔油腻，无乜味精既感觉，所以朋友饮哂成碗汤！😆我就叫左碗卤水蛋卤肉饭套餐配凉菜、葱油时菜同紫菜鱼丸汤(今日因为无鱼丸，所以转左做牛丸)。卤肉份量同饭既比例刚好，如果卤肉再浓味少少会更好！不过我减肥中，所以低盐都系好既！🤣卤水蛋同凉菜既味道都唔错😀另外，食左2件台湾手工馅饼，个皮几脆，略嫌油腻，入面既馅都系属于低盐系列😂甜品方面我地叫左碗紫薯薏米黑糖仙草冰，紫薯薏米都几有咬口，黑糖唔会过甜，块薄荷叶令我食第一啖仙草有淡淡既薄荷味，几特别。我地各自都要左杯特饮，包括仙气火龙果茶同日式红豆抹茶，味道正常。总结：牛肉面同仙草冰都非常不错，卤肉饭同馅饼不过不失。整体上餐厅既食物唔会好咸/好多味精，食完唔会好口渴，赞！👍🏻