冬蔭公公 (已結業)

又去左冬蔭公公啦，我今次食清清地嗌左碗魚湯米線，另加左魚腐！吾洗好耐就嚟啦，其實食米線吾一定去x仔x哥，因為個d真係加左好多味精，但呢個魚湯米線食完吾口喝，都吾覺得有好多味精，幾好味，好大碗，魚腐都幾好食，浸係湯索晒味，仲有炸魚皮，好大碟，晚餐嚟講，三四十蚊好平！吾洗加一！另嗌左花生薄餅，好香，又夠熱，真係有印度？師父即整！食完好飽，先廿蚊度！最後飲品半價，飲左杞子紅棗茶，好舒服，有紅棗好岩女士飲！兩人150都吾洗，好抵食丫！