The Waffle Club (已結業)

之前成日喺Facebook见到人推介the waffle club嘅心型鸡蛋仔，一直都无机会食到，今次行下行下元朗就见到，食完晚饭都忍唔住去买返一底！见到佢新出品有麻糬鸡蛋仔，本身劲想加！但系因为我叫咗奶黄味，咁奶黄又系流心，个staff话如果加麻糬就会冇咁好食！所以最后都系放弃左麻糬！我地等咗大概五六分钟就攞得，心型鸡蛋仔真系好靓！食落去热辣辣好正，有少少流心，不过就唔系会爆浆𠮶种咁，好似食紧奶皇包！另外，朋友叫咗伯爵味雪糕，有一支棉花糖插住雪糕度！都唔太甜，食完有茶嘅回甘！