咖啡灣 (已結業)

话说一直都想试呢间咖啡湾, 今次就同左住将军澳嘅朋友仔相约呢度开餐。朋友仔话食过几次。不时会转新menu或一d 期间限定，所以唔会闷。今日天气实在有d 冻嘅关系，我就选左热嘅水果茶系列~热带水果茶 $48主要饮落百香果味为主，相对较甜一d!玫瑰水果茶 $48玫瑰同提子味原来甘夹，两种味道完全无违和感，而且无甘甜，适合唔好甜人士。大虾番茄酱意大利面 $78虾共4粒。虾肉质地算爽口，番茄拌匀都几惹味。黑洞芝士面包金鸡 $112呢个黑洞炸鸡 系新menu黎。浮夸嘅外貌真系不得了。用竹炭做嘅农夫包装住芝士熔岩沾包包同炸鸡黎食。叫金鸡原来佢地系黄金炸鸡，咸蛋黄炸鸡，惹味而不腻。将黄金炸鸡沾满邪恶轴心嘅芝士，真系食到lamlam脷。香蕉朱古力窝夫（半份）$52香蕉同朱古力系绝配，配上曲奇味雪糕作完美句号。