Girlboss by Master Kama (已結業)

今次俾朋友拉左去呢间劲靓劲少女既餐厅，本身谂住重要食气氛，叫左个Dinner set，其实都几抵食，仲要有劲多款食物选择。大虾田园沙律。热既烧大虾同沙律配合几好，另外个白味噌酱又唔太浓味，整体keep到清新感觉。黑松露瑞士芝士沙律。个酱酸酸甜甜，加少少芝士咸味同黑松露香味，非常开胃。龙虾玉子烧。唔错，好有蛋味，龙虾味唔会抢走啲味，两边味道都好平均。低温慢煮三文鱼。非常出色，肉质非常细嫩，同时完全保留到鱼味同油脂味道，好正。但建议同其他食物一齐食，因为油脂太劲好容易腻。芝士炸鸡汉堡。好可爱既汉堡包，细细件，虽然觉得食汉堡包一定会食的好「呢Hea」，但真系点都要叫一个炸鸡仲好脆，包都无淋到，但味道有啲浓。海胆忌廉蟹肉意粉。海胆味唔太浓，淡淡地配合蟹肉，令每啖都有海鲜味，但又唔会好过份好浓烈，食食下就食哂成碟整体唔错，食物都多选择，另外环境气氛非常适合一班女生朋友黎聚会，推介俾各位想享受少女风的朋友仔。