影片
更多
2018-12-15
923 浏览
见帝都酒店出左个tea set，就约左朋友黎试下。两个人食388蚊加一，平均一人200零蚊，性价比都ok。 下午茶有咸点，甜点同埋两杯野饮，先讲下咸点~ 香烧带子伴藜麦饼系我嘅最爱，藜麦饼唔会油腻，而且带子烧得几香；而烟三文鱼黑麦多士嘅烟三文鱼都几新鲜，黑麦多士就有咬口得黎带少少甜，同烟三文鱼嘅咸香夹得刚刚好。 沙葛蟹肉脆卷十分之爽脆香口，系另一样我最钟意嘅咸点；香蒜玫瑰虾都几爽口，但其实唔系好食得出玫瑰嘅味道；牛油果蕃薯塔有丰富牛油果味道，蕃薯亦十分软绵绵；烟鸭胸芝士蛋卷嘅外层有d似印度薄饼咁，而鸭胸、芝士同蛋呢个配搭都饱肚；小金菊柠檬挞嘅金菊有股微苦嘅味道，但柠檬挞嘅酸甜又可以中和番金菊嘅苦，系一个有创意同几balance嘅配搭! 不过咸点食物嘅温度唔算热，只系微暖，如果下次可以更加热辣辣咁上碟就好了。 玫瑰苹果酥好抢眼，酥皮够薄，加上香脆苹果片，甜度适中；薰衣草蓝莓芝士蛋糕芝士味道浓郁，但又唔算好漏，配上酸酸甜甜嘅蓝莓，系一个轻盈又迷你嘅甜点；而迷迭香意式奶冻就几香几滑。玫瑰香槟啫喱系另外上嘅，造型真系无得弹，做到好似杯香槟咁，好有心思，食落嘅层次同口感都几丰富。 英式松饼伴玫瑰
下午茶有咸点，甜点同埋两杯野饮，先讲下咸点~
香烧带子伴藜麦饼系我嘅最爱，藜麦饼唔会油腻，而且带子烧得几香；而烟三文鱼黑麦多士嘅烟三文鱼都几新鲜，黑麦多士就有咬口得黎带少少甜，同烟三文鱼嘅咸香夹得刚刚好。
沙葛蟹肉脆卷十分之爽脆香口，系另一样我最钟意嘅咸点；香蒜玫瑰虾都几爽口，但其实唔系好食得出玫瑰嘅味道；牛油果蕃薯塔有丰富牛油果味道，蕃薯亦十分软绵绵；烟鸭胸芝士蛋卷嘅外层有d似印度薄饼咁，而鸭胸、芝士同蛋呢个配搭都饱肚；小金菊柠檬挞嘅金菊有股微苦嘅味道，但柠檬挞嘅酸甜又可以中和番金菊嘅苦，系一个有创意同几balance嘅配搭!
不过咸点食物嘅温度唔算热，只系微暖，如果下次可以更加热辣辣咁上碟就好了。
玫瑰苹果酥好抢眼，酥皮够薄，加上香脆苹果片，甜度适中；薰衣草蓝莓芝士蛋糕芝士味道浓郁，但又唔算好漏，配上酸酸甜甜嘅蓝莓，系一个轻盈又迷你嘅甜点；而迷迭香意式奶冻就几香几滑。
玫瑰香槟啫喱系另外上嘅，造型真系无得弹，做到好似杯香槟咁，好有心思，食落嘅层次同口感都几丰富。
英式松饼伴玫瑰草莓果酱同忌廉芝士系一个比较大路嘅甜点，松饼焗落都几松化。
两杯野饮方面，可以拣热玫瑰热情果蜜桃茶或者冻蔓越莓梳打。我就饮左热饮，热玫瑰热情果蜜桃茶酸酸甜甜，可以中和食物嘅饱滞感。但由于环境都几冻几大风，热饮放系个壶入面好快吹到冻哂，如果可以比个细细嘅烛台温热住杯野饮会更好，反正黎食tea嘅人都会坐一段时间先走，野饮冻哂就无咁好饮。
张贴
