NN Coffee & Gin (裝修中)

估唔到呢度楼上有间装修得咁靓，充满鲜花，少女粉红心嘅Cafe !!!餐厅里面播住音乐，位置唔算多，不过都坐得几舒服。餐牌嚟讲，佢系主打手工意粉，同埋特色饮品。蟹肉南瓜牛油果手工意粉首先手工意粉嘅质地好烟韧，而且系阔条面，卖相吸引，而且饱肚。蟹肉配上南瓜同牛油果，配搭清新。而且唔会油腻。配搭一流，特别开胃。卡邦尼手工意粉味道够浓，而且烟肉份量颇多。一个女仔份量啱啱好。饮品方面，有分酒精同非酒精。我哋嗌咗一杯Rose Latte.呢一间餐厅贴心嘅地方，就系可以嗌脱脂奶。而且拉花特别，卖相吸引。有淡淡嘅玫瑰花香味，唔会太甜。LoveHug 佢系一杯心型嘅嘢紫色饮品，外貌吸引打卡一流。佢材料包括有接木花，柠檬，薰衣草味加上Gin酒。感觉酸酸甜甜，而且每样材料都平衡得几好，唔会太甜或者太酸。Conclusion:而呢一个价钱嚟讲， 无论环境，食物质素，CP值几高。而且适合一啲班女仔朋友嚟食饭倾偈打卡。