甜入心 (好運中心) (已結業)

喺火炭食完饭就转场去食甜品，今日有沙田友带路嚟到呢间甜入心，门面都几靓。入面嘅装修都算花咗啲心思，睇嚟店主对于装修设计都有啲要求。餐牌都有好多选择，而且图文并茂，而呢度嘅主打应该就系佢嘅椰皇甜品。见到佢喺铺入面嘅招牌力推呢个焦糖布甸椰皇子，睇嚟呢个应该系必食，就急不及待拣咗呢个先！果然呢个系性价比最高嘅甜品，椰皇入面底层系椰汁味啫喱，淋上椰奶，然后再放上焦糖布甸，好有层次感，而且每一层都散发出唔同嘅香味，味道又好夹，呢个果然系镇店之宝有个朋友超级好榴梿，所以就叫咗个榴梿椰皇子，望落去都好足料，而且仲有真材实料嘅榴梿肉，钟意食榴梿嘅朋友就好推介，不过我唔食榴梿，所以讲唔到俾你听系咩味咯其实呢个都系椰皇子，不过店员话椰皇沽清，所以转为用普通甜品碗上，佢哋都好有诚意嘅，每样食材都加大码，弥补番冇咗个椰皇，都OK啦！呢个嘅底层就系椰汁布甸，都好香好滑，好似食紧带椰香嘅豆腐花咁呢个冲绳海盐冰净系个卖相都已经💯，非常吸睛，蓝色嘅棉花冰上面舖上水果、芋圆、棉花糖同埋雪糕，真系相机食先之选！呢间甜品店虽然唔算话好平，不过佢嘅出品都真系几唔错，觉得佢哋制作都几有诚意，即刻将佢放入我嘅encoreable