R.I.M.K (已結業)

之前聽朋友介紹旺角有間cafe唔錯，決定試試。佢位於旺角百老匯隔離，要行入一個隱蔽嘅後行，再行上第二層，平時成日經過都冇諗過原來上面有間充滿少女感嘅樓上Cafe。餐廳放滿石頭乾花等大地色系擺設做裝飾，未上菜都已經賞心悅目。叫左兩個主菜一個小食其中一個餐加左$48 連餐湯甜品同餐飲黃金芝士香辣雞塊 $88有三大舊炸雞，上面淋滿芝士醬，辣度近似M記香辣脆雞。 外皮非常之鬆脆，雞肉鮮嫩，保持到肉汁。高推😆蟹肉蟹子明太子扁意粉 $128呢個係我食過最好食嘅明太子意粉，超creamy，蟹籽份量亦都非常多，條條意粉都掛滿醬汁，食到最後仲有少少蟹肉同埋cream喺盤底，我都即刻唔晒「不」晒佢嚟食😆雙重腸肉雙重芝士長通粉 $108每條長通粉都飽滿白汁，辣肉腸份量亦都唔少。 佢用一個韓式鐵兜裝住感覺好新穎，打卡用都幾靚。朱古力日式芝士蛋糕呢個朱古力味超濃，唔會太甜，係黑朱古力味。 口感紮實，好似食緊brownies咁，細細夠作為一餐嘅完結好滿足。