影片
更多
2018-05-06
231 浏览
位于长沙湾的少女风cafe，之前刚刚开业𠮶阵时嚟过一次，今次嚟到装饰多咗好多，食物嘅款式都多咗好多选择。呢间cafe全间都系粉色系，几乎每一个角落都系打卡位，充斥着少女心，仲有好多道具比姊妹们影相，呃like真系一流❤️唔好以为呢间cafe得个样呃得下人，其实食物质素都有好令人满意，性价比好高！蟹柳蟹籽意粉($60)份量非常足料 蟹籽堆到成座山咁多，意粉软硬度适中，配上嘅白汁好香奶味，酱汁亦都啱啱好捞晒成个意粉，唔会干争争。$60大大份意粉，份量对女仔黎讲够晒饱肚，仲要有配野饮，性价比真系唔错。烟三文鱼牛角包($60)另外朋友仲叫咗一个烟三文鱼牛角包，价钱同样系＄60配一杯野饮。小食拼盘($78)大食嘅我地仲心思思想叫样小食，拣咗好耐都唔知叫边款好，最后就决定叫小食拼盘。小食拼盘一次过有鸡翼，肉丸，薯饼同薯条，一次过满足晒几个愿望，啱晒有选择困难嘅我哈哈。Dreaming ($58)点餐𠮶时店主推介左我饮啲杯新出嘅dreaming，睇图𠮶阵时已经觉得好靓，一上枱我同朋友真系话哇一声，粉红色渐变紫色，加上面层嘅忌廉同糖果装饰，不得了，未饮个卖相已经赢咗一大截。唔好以为呢杯奶昔睇得唔饮得，饮
呢间cafe全间都系粉色系，几乎每一个角落都系打卡位，充斥着少女心，仲有好多道具比姊妹们影相，呃like真系一流❤️
唔好以为呢间cafe得个样呃得下人，其实食物质素都有好令人满意，性价比好高！
蟹柳蟹籽意粉($60)
份量非常足料 蟹籽堆到成座山咁多，意粉软硬度适中，配上嘅白汁好香奶味，酱汁亦都啱啱好捞晒成个意粉，唔会干争争。
$60大大份意粉，份量对女仔黎讲够晒饱肚，仲要有配野饮，性价比真系唔错。
烟三文鱼牛角包($60)
另外朋友仲叫咗一个烟三文鱼牛角包，价钱同样系＄60配一杯野饮。
小食拼盘($78)
大食嘅我地仲心思思想叫样小食，拣咗好耐都唔知叫边款好，最后就决定叫小食拼盘。
小食拼盘一次过有鸡翼，肉丸，薯饼同薯条，一次过满足晒几个愿望，啱晒有选择困难嘅我哈哈。
Dreaming ($58)
点餐𠮶时店主推介左我饮啲杯新出嘅dreaming，睇图𠮶阵时已经觉得好靓，一上枱我同朋友真系话哇一声，粉红色渐变紫色，加上面层嘅忌廉同糖果装饰，不得了，未饮个卖相已经赢咗一大截。
唔好以为呢杯奶昔睇得唔饮得，饮落好啱我口味。紫色同粉红色分别系紫薯同士多啤梨奶，饮粒士多啤梨奶味比较出，而且唔系好假嘅士多啤梨，系意料之外嘅好饮😳❤️
唔好以为cafe收费一定好高，同旺角嘅楼上cafe相比，价钱平得多，份量同质素仲要好好多！(旺角cafe食物质素就唔讲啦..)
两位年轻店主仲好好倾同好细心!
原来有男士黎的话，份量会自动免费加底，大食嘅男士们一定唔怕食唔饱🤙🏿
当日重同朋友顺便庆祝生日，影左好多好多靓相。如果想比个惊喜朋友庆祝下生日，花说真系一个好地方!
但大家去之前最好book定咁就包有粉红枱坐
张贴
