蘭芳園

营业中

休息中

少少服务既意见即系咁 我一行入去坐低 几秒都冇 就有一个戴眼镜瘦嘅短发姐姐行埋黎问我食乜 其实我唔系熟客仔 未睇餐牌我系唔知道要食乜我一路睇餐牌 佢就一路企系侧边问问问 我地商量紧食乜 佢就不断插嘴 俾佢不断问到最终落咗一个order先 之后佢就一路问：咁你呢？咁你呢？咁你呢？🙄 其实作为香港人 生活压力都已经好大 放工都想好好地食个晚饭 点解你系都要系咁逼我呢？连少少思考时间都唔俾我？𠮶个moment门口冇人等紧位！又唔系全场满座！你有必要咁Chur吗？可能喺老板面前你咁样系一个表现好好嘅员工 但对客人黎讲你真系好烦 我一路都忍住唔出声 直到有另一个姐姐行埋黎𠮶阵时 佢同另一个姐姐讲都唔系好想落单 摆出一个好唔耐烦嘅样 之后再拧过嚟问我要啲乜 我终于忍唔住问佢：乜你好赶时间咩？可唔可以唔好系咁催我！佢仲要驳嘴话佢冇催我！又问我落左单𠮶个仲要唔要落！咁你系咪即系玩野姐！你咁样系咪赶客啊？都系打份工啫使唔使咁呀！使唔使咁嘅态度呀！唔通我去食嘢都要受你气？睇你面色？我见其他姐姐都冇咁！可能呢个系个别例子！如果大家去食 就睇你好唔好彩啦！Anyway, 呢间嘅茶走真系好好饮！