蝦麵店 (荃新天地) (已結業)

虾面店喺湾仔初开嘅时候，可能大约20年前?🤔🤔 我去过几次，当时年纪非常小😆，印象中好食，但系已经忘记具体嘅味道😅，亦都唔知点解之后冇再去😅大约两年前喺荃湾开分店，今日终于去午餐。叫咗佢嘅「辣味虾汤底虾肉肉片面」，我另加芽菜。套餐包小食同饮品，我就叫咗「马来香炸鸡翼」同埋冻柠茶。好快啲嘢食就嚟晒。碗面上枱嘅时候，血红汤底都几吸睛😅，以为好辣，饮一啖汤，隐约有虾味，微辣，唔难饮。虾肉似虾干浸水（靓嘅虾干系贵嘢🤣），我只系咁样形容虾嘅肉质同味道，并非认为佢真系虾干浸水；味道可以。肉片味道就非常一般。油面就几好食，全碗面最好味就系啲面，唔系配料或汤😅两只鸡翼热辣辣味道可以。冻柠茶系大热天时当然清凉解渴啦😁印象中当年喺湾仔食，汤底好正好浓郁，但时间久远，已经唔能够讲出具体滋味；今日荃湾铺嘅评语就系非常一般。